ANDAM na ang pangulo sa Public Transport Alliance kon PTAG Gensan sa ilang pagtambong sa Transport Congress Mindanao league.
Sa pahayag ni PTAG President Robert Cang ang usa sa ilang naunang agenda nga ipaabot sa kadagkoan mao ang epekto sa pag-usbaw sa presyu sa lana ug ang pagpangayo og ayuda sa nasudnong goberno.
Gidugang ni Cang nga mahuman na ang Libreng Sakay ning katapusan sa bulan sa Oktubre mao nga mas ma-apektuhan sila sa taas nga presyo sa lana kon wala nay ayuda gikan sa goberno sama sa programang Libreng Sakay.
Dili usab daw nila gusto nga masusama sa miaging kautigan nga nihunong sa pagpamasada ang mga operator kay niabot sa P60 pesos ang matag litro sa produktong lana nga wala pa ang pandemya unya sa karon adunay pandemya unya nimahal ang kada litro sa gasolina ug krudo.
Samtang ginalauman usab daw ang presensya sa pipila ka mga senador nga mahimong bisita sa Congress nga may kalabotan sa transport ang ilang komiteba, malaumon usab sila nga may positibong resulta sa mao nga congress.
Ang laing singlon nila mao ang usbaw pletihan ug dugang seating capacity sa ilang mga unit aron nga makapadayon sa ilang byahe. (Ver Diazon)
