Nag-angkon sang minor nga kapilasan ang 11 tanan ka mga pasahero matapos nagbaliskad ang ceres bus nga ila ginasakyan sa Barangay Bula, Mambusao, Capiz takna alas 6:45 kagab-i sang Sabado, Hunyo 8.
Sandig sa imbestigasyon sang Mambusao Municipal Police Station, samtang ginasubay sang bus ang dalanon gikan sa Kalibo kag padulong sa Iloilo nga ginamaneho ni Rodolfo Delatina, 40-anyos, residente sang Sitio Kalubihan, Brgy. Gabuan, Roxas City, pag-abot sa lugar nga natabuan sang aksidente, hinali nalang nadulaan sang kontrol sa manubela ang driver rason nga bumaliskad ang bus.
Nahibaluan nga madanlog ang asphalt road bangud man sa mamunog nga pag-ulan.Bangud sa natabo, ginpangdala sa Mambusao District Hospital ang mga pasahero agud matagaan sang nagakaigo nga pagbulong kag sa karon, yara na sa estable nga kondisyon.
