Nagdangat sa kapin 44,200 ka mga botante sa Capiz ang sa karon ginpangdeactivate sang Commission on Elections bangud wala ang mga ini nakaboto sa sulod sang duha ka magkasunod nga eleksyon.
Suno kay Atty. Wil Arceño, Provincial Election Supervisor, nakapadala na ang ahensya sang sulat sa mga botante nahanungod sa deactivation notice natuhoy sa ila status bilang botante.
Sa karon, may yara na sang 524,000 ka mga registered voters ang probinsya, mas manubo sa 548,000 nga narekord sang tinalikdan nga tuig, samtang magapadayon naman ang voter’s registration tubtob sa Setyembre 30, 2024.
