Positibo ang pamilya ni Cagayan de Oro Olympian Carlo Paalam nga ma-angkon niini ang gold medal sa nagpadayon nga Tokyo Olympics.
Kini homan mi-abante na si Paalam sa final round homan midaog sa men’s flyweight division batok kang Ryomei Tanaka sa Japan.
Gi-angkon sa amahan ni Carlo nga si Peo Rio Paalam nga gikulba-an siya sa away sa iyang anak tungod dili basta-batas ang ka-atbang niini, apan kampante kini nga mudaog ang iyang anak.
Nahimong emosyonal ang pamilya 23-anyos nga atleta samtang gilantaw ang away kagahapong adlawa.
Sa kamatuoran, homan gi-anunsyo ang resulta, unang gitawagan ni Carlo ang iyang uban nga si Stephanie Sepulvida ug mi-ingon nga wala siya magdahom nga siya ang makadaog kontra sa gold medalist sa Japan.
Subay niini, lauman nga ma-atbang ni Paalam alang sa finals ang atleta nga si Galal Yafau sa Great Britain, ugmang adlawa Agosto 7.
