Supak si Cagayan de Oro City Mayor Oscar Moreno sa sugyot nga magbutang og “house marking” sa mga nagpositibo sa Coronavirus Disease 2019.
Sumala ni Mayor Moreno nga wala nagpasabot nga kung walay “marking” ang usa ka panimalay, luwas na kini batok sa COVID-19.
Ilabi na nga dili mahibal-an ang usa ka tawo nga nagpositibo sa virus, gawas lang kung nagpa-COVID-19 test.
Kahibaloan nga mismo si Department of Interior and Local Government Undersecretary Martin Diño ang nagsugyot sa maong lakang tungod nagtuo siya nga pinaagi niini mas mag-inampingon ang mga tawo batok sa coronavirus.
