Pabalik na ng bansa ang kapatid ni dismissed mayor Alice Guo na si Sheila Guo, at si Cassandra Li Ong na kinokonekta sa Lucky South 99.
Ngayong hapon, inaasahan ang paglapag nila sa NAIA sakay ang PAL flight PR540.
Sabi ni Senate President Chiz Escudero – nakausap niya na ang kanilang Secretary General at Sgt. at Arms para makipag-coordinate sila sa Bureau of Immigration.
Ito ay para kaagad na haian ng warrant of arrest si Sheila Guo na made-detain naman sa Senado.
Kaugnay nito, ipinag-utos din ng QuadCom ng Kamara sa kanilang Sgt. at Arms na isailalim sa kanilang kustodiya si Ong.
Kung maaalala kasi, una na silang nag-cite-in-contempt laban kay Ong.
Umaasa naman si House Committee on Public Order and Safety Chair Dan Fernandez makaabot sa ginagawang pagdinig ng QuadComm si Ong.
