Ipinasilip naman ng Presidential Anti-Organized Crime Commission o PAOCC ang mga larawan ni dismissed mayor Alice Guo sa Malaysia.
Sabi ni PAOCC cihef Usec. Gilbert Cruz – kuha raw ito ng July 21 sa isang airpot sa Kuala Lumpur International Airport sa Malaysia, bago pumunta ng Singapore.
Sa naturang larawan, mayroon ding isa pang kasamang babae si Guo, na pinaniniwalaan ng PAOCC na si Cassandra Li Ong.
Kung totoo ito – taliwas ‘yan sa mga naging pahayag ng mga abugado ni Guo na nasa Pilipinas pa siya sa mga nagdaang araw lalo na’t nakapag-panotaryo pa ito ng kaniyang counter-affidavit.
Samantala, kinumpirma ni PAOCC spokesperson Winston Casio na nag-file na sila ng opposition para sa counter-affidavit ng kampo ni Guo.
