Magapakig-angot ang Capiz Police Provincial Office sa Land Transfortation Office nahanungod sa pagpangdakop sa mga motorista sa palibot sang probinsya nga wala nagasuksok sang helmet.
Nahibaluan nga madamo na ang nabalhag nga mga aksidente sa dalanon kag kalaban sa mga driver sang motor ang ginpangbawian gid sang kabuhi.
Sa interview sang Brigada News FM kay Police Colonel Jerome Afuyog Jr., yara sa 93 ka mga vehicular accidents ang ila narekord humalin Disyembre 16, 2023 tubtob Enero 1, 2024 kun sa diin lima gid diri ang napatay.
Suno kay Afuyog, pila lamang ka mga banwa kag is aka syudad sa probinsya ang naga-implementar sang no helmet, no riding policy.
Luyag sang CPPO director nga hatagan sila sang LTO sang deputation order agud mahimo nila nga maticketan ang mga motorista nga nagasuway sa traffic rules. | Judy Ann Juare
