Nagtaas sang P43,785.38 ang annual income sang Teodoro Arcenas Trade Center (TATC) sang tuig 2023.
Ini ang ginkumpirma ni Mrs. Heloise Mendoza, administrador sang TATC sang ma-interview sang Brigada News FM Roxas City.
Suno kay Mendoza, naglab-ot sa P34,581,727.56 ang kabug-usan nga kita sang TATC sang tinalikdan nga tuig kun sa diin nalapawan sini ang income sang tuig 2022 nga yara lamang sa P34, 537,942.18.
Dugang pa ni Mendoza, yara naman sa 93 ka mga stalls ang wala nila makolektahan bangud temporaryo ini nga gin-demolish matapos ginpaidalom sa renovation ang nasambitan nga merkado sadtong 2023.
Ini amo ang pagpakay-o sang Phase 3, Kiosk kag ang pagtukod sang Bagsakan Center and Annex Building.
Nagapasalamat naman si Mendoza kay Mayor Ronnie Dadivas nga nagatinguha gid nga mapanami ang TATC agud masiguro nga mangin komportable ang mga vendors kag mga manugbakal.
Nagapangabay man ini sa mga vendors nga magkooperar gid kag magsunod sa mga pagsulondan nga ginapatuman. | Judy Ann Juare
