Dakop sa akto sang mga kapulisan ang siyam ka tripulante nga nagapatigayon sang iligal nga pagpangisda sa kalalawran nga sakop sang Panay.
Ginkilala ang mga nagkaladakpan nga sanday JR Sase; Julius Sase; Carlito Pecoro; Joel Arquio; Jenel Barde; Erik Dela Cruz; Renmark Gravo; Renbart Gravo kag Winstone Ngalongalo lunsay mga tumandok sang Carles, Iloilo.
Narekober sa ila paghinakop ang tatlo ka pump boat, mga motor engines, fishing net with complete accessories kag mas o menus 45 kilos tanan sang nagkalain-lain nga sahi sang isda.
Ginabanta yara tanan sa P1,973,000 ang balor sang nakumpiskar nga mga kagamitan kag isda.
Magabayad ang mga ini sang penalidad nga paglapas sa Municipal Ordinance No. 03-02 (Municipal Fishery Code), Series of 2003.
Sa karon nagapabilin ang mga ini sa kustodiya sang MENRO-Panay para sa nagakaigo nga disposisyon. | Judy Ann Juare
#BrigadaPH
#InTheHeartOfChangingLives
#Listento107.3BrigadaNewsFMRoxasCapiz
#BrigadaNews
