LEGAZPI CITY – May bagong tukaw na Chief of Police (COP) an Hepatura kan Pulisya sa banwaan kan Camalig, Albay.
Ini an si PMAJ Karlo P. Dy, na iyo an pormal man na pig-welcome ni Alklade Caloy Baldo asin kan Municipal Police Station (MPS), kun sain kan Hulyo 16, 2024 opisyal na inilipat saiya an dating posisyon ni PMAJ Armil A. Obinque na iyo man an nagserbi ki halos sarong taon.
Mantang, nagpromisa man an Alkalde na saiyang imamantenir an makusog na pakikipagtabangan sa esfuerso kan kapulisan dugang pa an dagos-dagos na suporta sa gabos na plano asin programa kan hepatura na para man sana sa seguirdad asin kamarayan kan publiko.
Mientrastanto, nagheras man ki pasasalamat an hepatura kay Obinque sa nagin pag-iribanan, orog na sa mga akomplisyimento asin legasiya na iwinalat kaini.
