Subling abrihan ang operasyon sa Singapore Airlines alang sa rotang Davao-Singapore sa Davao International Airport nga gibana-banaang muabri sa October 31, 2021 hangtod March 26, 2022.
Sumala ni City Tourism Operations officer Generose Tecson nga mi-request og terminal clearance ang Singapore Airlines aron makabalik na sa operasyon.
Dugang sa opisyal nga sa karon, padayon pa gihapon ang ilang pag comply sa mga rekisitos gikan sa Civil Aviation Authority of the Philippines (CAAP) ug ubang ahensya.
Una ng nag operate ang nahisgutang Airlines nga kada semana kini nagapahigayon og flights sa DIA apan nahunong kini gumikan sa pagpanirado sa Davao International Airport gumikan sa Covid-19 pandemic.
Sa kasamtangan, nagpadayon sab ang pagpangandam sa mga tour operators alang sa subling pag abri sa torismo sa Dakbayan sa Davao.
