Ginpasa na sang City Council sa Sangguniang Panlalawigan ang ginaduso nga “Bugas para sa taga-Roxas Ordinance” para i-review bangud isa ini ka proseso agud dalayon nga ma-aprubahan.
Nahibaluan, ang nasambit nga programa ang nagsugod sadtong Disyembre 2019 kun sa diin madamo nga mga pamilya ukon indibidwal ang nabuligan matapos ang paglaslas sang bagyo “Ursula” kag kasagsagan sang pandemya.
Sa tion nga ma-aprubahan na ang amo nga ordinansa mangin institutionalize na ini kag magapadyon na ang pagpanagtag sang bugas apisar magbag-o pa ang administrasyon sang syudad. | Judy Ann Juare
