Gumikan sa matud pa wala pagkasinabtanay sa duwa nga billiard, naangol ang Brgy. tanod sa Basak Pardo human gidunggab sa 19-anyos nga kaduwa niini didto sa Sitio Kauswagan, Brgy. Basak Pardo, dakbayan sa Sugbo.
Ang dinakpan nailhan nga si Alyas Earl, 19-anyos walay trabaho, samtang ang biktima mao si Cipriano Blanca,41-anyos , Brgy. Tanod ug pulos residente sa naasoyng lugar.
Sa inisyal nga imbestigasyon sa Inayawan Police Station, human sa duwa nga billiard niuli ang biktima apan gisundan kini sa suspek og gidunggab sa makadaghang higayon.
Nakaangkon of samad sa nawong ug sa buko-buko ang biktima og daling gidala sa tambalanan smatang ang suspetsado dali nga misibat human sa pagpanunggab.
apan Human sa hitabo dali nga nipahigayon og hot pursuit operation ang kapulisan nga miresulta sa pagkasikop sa suspetsado.
Nagtingkagol na sa Inayawan Police station ang suspek samtang gihikayan na kini og kasong attempted murder. | Sheila Mae Altubar
