Ngitngit ug alimuot ang mga classrooms nga gisudlan sa mga estudyante sa Bankal Elementary School sa pag abli sa klase karong adlawa.
Kini tungod kay sagad sa mga classrooms, wala gihapoy kuryente.
Ang maong tunghaan niadto pang buwan sa Pebrero nawad-an og kuryente.
Tungod sa kadako sa usbonon sa mga wires ug sa budget nga gikinahanglan, hangtud karon wala pa kini maayo.
Hinungdan nga isig dala nalang sa ilang mga paypay ug mga portable fans ang mga estudyante.
Apan taliwala niini, wala ra niini naapektuhan ang number of enrollees sa maong eskuylahan.
Sa nilabay nga school year, niabot sa 3,800 ang ilang mga tinun-an, samtang karong adlawa, adunay 3639 ug aduna pay posibilidad nga mosaka tungod kay gilauman nilang aduna pay magpa enroll karong semana. | Kristyl Joy Felerca
