-Reymund Titong
KABANKALAN CITY, Negros Occidental — Wala sang may nakit-an nga presensya sang algal boom nga amo naman rason sang magguwa sang makahililo nga red tide.
Sa advisory sang Bureau of Fisheries and Aquatic Resources (BFAR), wala sang presenya sang red tide ang kadagatan sang Bacolod, kag kaiping nga mga syudad sang Talisay Silay, Victorias, EB Magalona, kag Hinigaran sa Negros Occidental.
Samtang sa Negros Oriental, wala man may nakita nga red tide sa Tambobo, Sit Bays, Siaton, kag banwa sang Bais.
Sa piyak nga bahin, ang mga pakinason nga gikan sa kadagatan sang Dauis kag Tagbilaran sa Bohol, Dumanquilas Bay sa Zambiang del Sur, San Benito sa Surigao del Norte, kag Honda Bay sa Puerto Princesa sa Palawan ang nag positibo Naman sa paralytic shellfish poison sang Hulyo 22.
Suno sa BFAR, sa mga lugar nga nag positibo sa red tide ang indi pwede makaon ang mga pakinason, bangud sa posibli sini nga makatuga sang masakit ukon pagkapatay.
Dugang pa, the luwas man sa red tide ang mga kadagatan sa Milagros kag Mandaon sa Masbate; Borongon, San Dionisio sa Iloilo; Sapian Bay, Ivisan, kag Sapian sa Capiz; Mambuquiao and Camanci, Batan sa Aklan; Altavas, Batan, kag New Washington sa Batan Bay, Aklan; amo man sa Pontevedra, Panay, Pilar, Roxas City, kag President Roxas sa Capiz; kag iban pa nga kaiping nga lugar.
