Gibasol sa pipila ka negosyante og sibuyas sibuyas o bombay ang Bureau of Customs (BOC) sa nahitabo nga pagmahal sa presyo nga niabot ngadto sa 500 matag kilo sa mga merkado publiko sa syudad sa Davao.
Sa interview sa 91.5 Brigada News FM-Davao ngadto sa mga negosyante og sibuyas, alegasyon nga gi-hold sumala pa sa BOC ang supply sa maong produktong nga nilatas sa pantalan sa syudad rason nga nimahal kini.
Sa pagpanubay sa Brigada sa buhatan sa BOC Davao gipaklaro niini nga wala silay bisan unsa nga agricultural products ilabi na ang sibuyas nga gikaingong gi-hold sa maong buhatan.
Hinuon imbistigahan matud pa sa maong buhatan ang pasangil sa mga negosyante ngadto kanila.
Ugmang adlawa gikatakda nga muhatag og official statement Ang BOC Davao pinaagi sa phone patch interview sa programang Tira Brigada kabahin sa isyu ug alegasyon nga gibato sa mga negosyante ngadto kanila. BNFM-Davao
