BALIK sa normal ang byahe sa mga bus sa Bulaong Terminal human sa semana santa ug daghang pasahero ang nisakay lakip sa mga van pagawas sa Gensan.
Usa ka lolo, kuyog ang apo ang naagihan sa Brigada adlaw nga Dominggo Abril 17 si Javier Talundata, 69-anyos kuyog ang apo nga babaye nagahulat sa torno nga van padulong sa Lake Sebu kung asa sila nagpuyo.
Sumala kay Lolo gikan sila sa iyang anak sa Uhaw, Fatima sa GenSan dinhi sila nag Semana Santa dala sa pagbisita sa iyang gikahidlawan nga tulo ka mga apo ug pauli na sila sa dihang na agihan sa Brigada, malipayon si Lolo sa pagsaysay sa tumong sa ilang byahe, mokabat usab daw sa 250 pesos ang pamasahe.
Sumala kay Admin Aide 5 Jaime Isidro nga duty sila bisan Dominggo ug ginagiyahan ang mga pasahero kon asa paagihon, kuyog sa taga Covid Secutiry Unit sa entrance ug pulis, adlaw nga Sabado nibalik na daw ang byahe sa mga bus gikan sa Bulaong terminal padulong sa South ug North Cotabato, Sultan Kudarat, Cagayan ug uban pang dapit, apan ilaha na ginalauman ang daghang pasahero sa adlaw nga Dominggo hangtud Lunes.
Ang uban mamalik sa trabaho samtang ang uban mamalik sa ilang mga pinuy-anan human sa bakasyon. I Ver Diazon
