GILAUMAN ni DepEd GenSan Schools Division Superintendent Romelito Flores nga makab-ot ang 100 percent nga pag-abli sa mga pampublikong tulunghaan sa GenSan alang sa progressive face to face classes.
Segun ni Flores, sa datus nga gihatag as of April 12, 2022, ang implementasyon sa progressive face to face classes sa secondary anaa sa 86 percent.
Samtang sa elementarya, anaa sa 59 percent ang misalmot sa progressive face to face classmate ug gilauman ni Flores nga modaghan pa kini sa musunod nga mga adlaw.
Kasamtangan matud pa nga aduna silay validation nga gihimo ug pagbisita sa mga eskwelahan nga nagpadayag sa kagustuhan nga makapahigayon og face to face classes.
Sa pagpahigayon sa face to face classes gibutyag ni Flores nga hugot gipatuman ang non pharmaceutical interventions sama sa pagsul-ob og face mask ug social distancing.
