Nilinaw ni Bureau of Internal Revenue (BIR) Commissioner Romeo D. Lumagui Jr. na hindi na kailangan magbayad ng buwis o ‘tax-free’ si two-time Olympic Gold Medalist Carlos Yulo sa lahat nang nakamit na premyo at gatimpala nito.
Ito ay isinaad sa Section 32(B)(7)(d) ng NIRC kung saan, hindi papatawan ng buwis ang mga atletang nanalo, mapa-lokal at internasyonal na sports competition.
Kaakibat nito, hindi na rin obligado si Yulo na isama ang kanyang natanggap na bahay at sasakyan sa kabuuan ng kanyang kita.
Sa huli, binati naman ng BIR chief si Yulo sa pagganap nito sa 2024 Paris Olympics.
