Nagpatupad ng panibagong balasahan sa Philippine National Police.
Itinalaga ni PNP Chief Gen. Rommel Francisco Marbil si BGen. Nicolas Torre III bilang Acting director ng Criminal Investigation and Detection Group.
Kung maaalala, si Torre ang nanguna sa operasyon sa paghahanap kay Apollo Quiboloy sa Kingdom of Jesus Christ.
Samantala, ngayong araw nakatakdang umuno bilang acting regional director ng PRO 11 si Brig. Gen. Leon Victor Roste.
Ito ang nakasaad sa General Orders mula sa Office of the Chief PNP epektibo ngayong araw.
Papalitan ni Torre si MGen. Leo Francisco na inilipat naman sa Personnel Holding and Accounting Unit.
Kasunod niyan, itinalaga namang kapalit ni Torre si BGen. Victor Rosete bilang Acting Director ng Police Regional Office 11 na binakante ni Torre
Samantala, itinalaga rin ni Gen. Marbil si BGen. Christopher Birung sa PNP Academy buhat sa Police Regional Office 2 o Cagayan Valley PNP epektibo kahapon.
Habang papalitan naman siya ni BGen. Antonio Marallag Jr. na nagmula naman sa Headquarters Support Service.
Itinalaga rin ni Marbil si BGen. Jaysen de Guzman bilang Acting Regional Director ng Police Regional Office 10 o Northern Mindanao kapalit ni BGen. Ricardo Layug.
