LEGAZPI CITY – Sa paagi kan paglibot-libot sa manlaen-laeng barangay kan Daraga, nagpagirumdom an mga personahes kan Daraga Bureau of Fire Protection (BFP) sa gabos na mga residentes na ibetaran an paggamit nin paputok orog na ngunyan na nararani na an kapaskuhan asin bagong taon.
Kasabay kaini an pagtatao nin mga flyers na may laog na impormasyon manungod sa mga perwisyo asin peligro na pwedesir idara kan paggamit nin paputok.
Mientrastanto, apwera pa kaini, nagsagibo na man diretso an mga personahes kan BFP nin pag-assess sa kada lugar para na man sa fire truck visibility.
