LEGAZPI CITY – Padagos na pigsasagibo kan Provincial Social Welfare and Development Office (PSWDO) an saindang “Fresh Milk Feeding Project” sa probinsya kan Albay.
Segun kay PSWDO head Ma. Vivien Cea, an nasambit na proyekto, may obhetong magtao nin bastanteng nutrisyon sa mga kaakian na nasa 3-4 anyos asin kaibahan sa malnourished asin undernourished na populasyon.
Kasabay man an Albay Veterinary Office sa mga nangenot digdi kun sain urualdaw na nagpo-produce nin mga fresh milk an Albay Dairy Plant sa banwaan kan Camalig nganing maitao sa nasa labi dos mil na mga kaakian sa probinsya.
An “Fresh Milk Feeding Project” na nagpoon kan Nobyembre 20, piglalaoman na matatapos sa Disyembre 15.
