LEGAZPI CITY – Tinawan-pagbisto kan Bicol University an saindang anom na alumni asin pioneer sa kursong law na puminasar sa 2023 Philippine Bar Examination.
Parte kaini, nagtao kan saindang mensahe an mga personahes kan unibersidad, pati si President Baby Boy Benjamin Nebres III.
Mantang, bilang kasabay sa pagselebrar kan trayumpong ini, nagsagibo nin motorcade an institusyon palibot sa mga parte kan banwaan nin Daraga asin syudad kan Legazpi.
Magigirumdumang, nakaguno an unibersidad nin 85.71% sa nasambitang eksaminasyon asin nasa 1st top performing law school hale sa 22 na iba pang unibersidad na ugwa nin 1-10 takers.
