Handa ang kampo ni Presidential aspirant Bongbong Marcos na sagutin ang inihaing petisyon sa Comelec ng isang grupo na nanawagan ng kanyang disqualification.
Sa inilabas na pahayag ni Atty. Victor Rodriguez, tagapagsalita ni Marcos hihintayin umano nila ang kopya ng petisyon bago nila ito sagutin sa tamang oras at proper forum.
Sa ngayon sinabi ni Rodriguez hindi muna sila magkokomento sa umano’y mga politikal propaganda na ibinabato sa kanila ng mga kalaban sa pulitika.
Hindi umano sila pumapatol sa tinatawag na ‘gutter politics’ dahil ang kampanya nila ay para sa ‘nation building’.
