Ginkondina it Bagong Alyansang Makabayan (BAYAN)-Aklan ro pagpanabotahe segun sa andang mahilway nga rally ku Hunyo 30 sa Crossing Banga – New Washington.
Nasayuran nga ro grupo hay nagprotesta kuntra sa pagkadaog ni Presidente Marcos bilang pinakamataas nga lider it nasyun.
Base sa andang pahayag, ginakondina nanda ro Nalook Pook Caano Homeowners’ Association (NAPOCACIA) nga anghiwat man it rival rally nga nagasuporta kay Marcos.
Base sa grupo, ro NAPOCACIA, sa andang rally hay nagdaea segun it mga plakard nga nag red-tag sa BAYAN-Aklan.
Nagapati ro grupo nga ro NAPOCACIA rally hay gindesenyo eamang para samaron ro BAYAN-Aklan.
Dugang pa nanda, ro andang organisasyon hay uwa naduean it displina ag ginagamit eamang ro andang demokratiko ag konstitusyonal nga kinamatarong para magprotesta./JIL B. LACSON
