Gikatakdang kasuhan karong adlawa og pagsupak sa Article II sa Republic Act 9165 kon Comprehensive Dangerous Drugs Act of 2002 ang barangay kagawad nga nadakpang namaligya og iligal nga droga sa Purok 4, Barangay Camudmud, Babak District, Island Garden City of Samal, Davao del Norte.
Ang operasyon gikasa niadtong Biyernes sa gabie sa mismong panimalay sa suspek nga giilang si Allan Ajos Cuberos alias Allan, 51-anyos.
Sumala kang PDEA-XI spokesman Noli Dimaandal, ang suspek gikonsederang high-value targets sa PDEA kung asa atol sa operasyon narekober gikan kaniya ang mga pakete sa iligal nga droga.
Gikustudiya una karon sa PDEA Davao del Norte ang barangay kagawad samtang ang mga narekober nga droga ipailawum sa eksaminasyon. BNFM-DAVAO
