NALIPAY nga nakighimamat ang partidong AIM sa mga residente sa Fil-am Road Barangay Fatima atol sa ika-upat nga gabei sa rally sa partido nga gipanguluhan ni Brigada Elmer Catulpos.
Tungod sa dakong gugma sa mga tawo nagpabilin silang misuporta sa Achievement with Integrity Movement gikan pa sa sinugdanan. Sa pagpamulong ni Brigada Elmer iyang gipasalamatan ang Kapitan sa Barangay nga si Renante Curit tungod kini ang nagpabilin usab sa iyang suporta sa tanang mga kandidato sa AIM nga mipalansang sa umaabot nga piniliay.
Dako ang kalipay ni Brigada Elmer tungod sa prebilihiyo nga nakit-an niini ang mga tawo nga adunay gugma kanila ug migahin gayod og panahon nga sila makauban.
Gibutyag niini ang kamatinud-anon sa mga residente nga misuporta kanila susama usab sa usa ka lider nga nagmatinud-anon sa iyang mga saad alang sa kaayuhan sa katawhan. Ug pinaagi sa bag-ong vision ug bag-ong solusyon kini ang makahatag og kasulbaran sa problema nga kasamtangang gisagubang sa mga tawo sa tibook syudad. Gipaabot niya ang pagpasalamat ngadto sa tanang mitambong lakip sa tanang misuporta dili lang kaniya kundili ngadto usab sa tanan niyang mga kaubanan sa partido.
