LAING purok ang giduaw sa partidong AIM adlaw nga Martes, April 5, 2022.
Alas 5 sa buntag nagsugod ang kapehan sa Lu residence unya nibaktas sa kadalanan sa 39.2, Brgy. Fatima.
Usa ka pamilya ang niatang sa kanto sa usa ka kalye duol sa ilang plaza ug adunay batang lalaki nga nagsigi og sayaw samtang gatukar ang jingle nga Alisto.
Sumala kay Jenevieve Borinaga nga nawili ang iyang anak sa jingle nga iyang madungog ug nagasigi og sayaw ug nagapalakpak, sa pagkatinuod dili gayod daw ipaliso sa iyang anak ang ilang telebisyon.
Malipayon usab siya nga nakahimamat ang mga kandidato sa AIM kay nabuhi daw ang iyang paglaum nga adunay mahitabong kalamboan sa Gensan.
Nanghinaut lang kini nga magmalampuson ang partido sa pagpanguna ni Brigada Elmer V. Catulpos sa pagkab-ot sa kalamboan.
Sumala usab kay Tandong Navarro kumbensido na siya sa plataporma ni Brigada Elmer kay kanunay niya kini nga makita sa TV ug nakauyon gayod siya. Gidugang ni Navarro nga dili na mabangbang ang iyang pagsuporta sa partido AIM, Barug Gensan gayod.
Samtang sayo usab nga nangmata ang laing mga tagbalay aron makahimamat ang mga kandidato sa AIM bisan kon aduna nay laing partido nga niagi sa ilang kalye.
Sa Purok 17-A usa sa naagihan sa partido AIM si Remedious Dolino, sumala niini nga mas maayo nga nag house to house ang mga kandidato aron ilang makita personal.
Wala pa siyay final nga listahan sa iyang pagabotaran apan daghan ang iyang nauyonan gikan sa partido AIM, nakaila na daw siya kay Brigada Elmer ug sa iyang panglantaw maayo nga kandidato sa pagka Mayor.
Nakadungog na usab sa siya sa mga plano niini alang sa syudad mao nga iyang masulti nga Barug Gensan.
