Bangi sa yuta ang gitudlong hinungdan sa mga kabanay sa usa ka mamakyaway og prutas human kini gipusil pasado alas otso kagahapon sa buntag sa Purok 3, Brgy New Valencia, Tugbok District ning siyudad sa Dabaw.
Sigon sa mga kabanay sa biktima nga si Seigfred Dinampo Villapaz, ang suliran sa yuta ang usa sa ilang gilantaw nga hinungdan nganung kalit gipusil ang biktima.
Una niini gipusil sa riding in tandem criminal nga nagpakaaron-ingnon pa og kustumer apan kalit na lamang kining gipabuthan ka upat ka higayon ayha nanibat sa wala matino nga dereksyon.
Ang mga narekober nga mga basiyo sa bala gikan sa crime scene ang anaa sa regional crime laboratory aron ipailawum sa cross matching ug ballistic examination. BNFM-Davao
