Moabot sa 188 public utility vehicle drivers sa Davao City ang unang naturukan og bakuna kontra COVID-19 human kini gisugdan sa miaging adlaw sa Agro-industrial Park .
Nanguna sa vaccination program alang sa maong sektor ang mga volunteer doctors, mga opisyal sa Davao City Health Office, Davao City Covid 19 Task Force, City Transport and Traffic Management Office (CTTMO) ug City Mayor’s Office
Lakip usab sa nanguna ang LTFRB XI kung diin gipadangat ni Regional Director Nonito Llanos III ang pagpasalamat ngadto sa lokal nga panggamhanan gumikan sa paghatag og pagtagad sa mga PUV drivers.
Gawas sa first dose sa bakuna, nakadawat usab og food packs ang mga drayber gikan sa DUMPER Partylist.
Samtang ianunsyo usab ang sunod nga skedyul sa covid-19 vaccination alang sa PUV Drivers sa higayon nga daghang mga doktor ug healthcare workers ang available alang sa pagpahigayon sa maong aktibidad. BNFM-DAVAO
