LEGAZPI CITY – Ngunyan na semana luway-luway nang ililipat na an mga gamit kan Department of Public Works and Highways (DPWH) Bicol pasiring sa 2-storey building sa laog kan Albay 2nd District Office kan DPWH.
Segun kay DPWH Bicol Regional Spokesperson Lucy Castañeda, nasa 11, 193.60 square meters an floor area kan bagong opisina kun saen igwa na nin office areas, training rooms, wellness and fitness area, library, conference room, union and coop room asin lactating area.
Igwa man ini nin mga bastanteng pasilidad siring kan comfort rooms na may probisyon para sa PWDs, mga pasilyo, ladders, elevators asin open area with landscaping.
An ahensya matao man nin mga kinakaipohang pasilidad asin serbisyo nganing maresponderan an mga pangangaipo kan mga empleyado.
Segun pa kay Castañeda, posible man na ngnunyan na bulan nin Nobyembre an saindang blessing and inauguration sa bagong edipisyo mantang an empleyado man kan Albay 2nd District Office an magamit kan lumang building sa Brgy. Rawis, Legazpi City.
