Gin eo-ok it 21-anyos nga bata nga nanay ro anang eapsag hasta raya nga mapatay sa Barangay Baybay, Roxas,City.
Nagapangatubang makara sa reklamo nga infanticide ro babaye nga suspect.
Base sa report, ro bata nga nanay hay nagatrabaho bilang sangka caregiver. Naka-ekspiryensiya eun segun it pagdurugo ro babaye kat gindaea it anang employer sa doktor.
Nagpaidaeom sa pregnancy test ag ultrasound ro babaye ag nadiskubrehan nga bag-ong unga raya.
Gin-amin it babaye nga gintago ro anang pagnabdos, base pa sa ana matapos imaw nga makaunga ku Setyembre 17, ginputos nana ro eapsag nga laeaki sa sambilog ka trash bag, gineo-ok hasta sa mapatay ag gintago ro eawas sa kabinet.
Ginpaidaeom sa autopsy ro eawas it eapsag ag nasyuran nga asphyxiation by strangulation o pag eo-ok ro sanhi it anang pagkamatay.
Sa present, sa opsital ro babaye bangud sa pagdurugo./JIL B. LACSON
