Mahiwat it pag-istudyo ag pagsubaybay ro University of the Philippines Visayas (UPV) ag UP Visayan Foundation, Inc. sa pinsala nga naangkun sa palibot bangud sa pagsabog it Power Barge 102 (PB 102) nga natabo ku Hulyo 3, 2020.
Naapektuhan it oil spill ro mga bakhawan kaibahan ro mga baybay it mga probinsiya it Iloilo ag Guimaras.
Ro mga lugar nga paga-istudyuhan hay pagatung-on sa tatlo ka mga kategorya – heavily oiled, moderately oiled, ag control sites.
Ro nasambitan nga oil spill hay resulta it pagsabog.
Ro PB 102 hay sambilog ka 32-megawatt diesel-fired power barge nga makita sa Zone 3, Barrio Obrero, Iloilo City. Ro pagsabog hay nagpaguwa it 268 948.61 liters it bunker C oil sa katubigan it Iloilo ag Guimaras./JIL B. LACSON
