Na aresto it mga kapulisan ru sangka persona nga may standing warrant of arrest sa Brgy. Guinbaliwan, New Washington, Aklan.
Nakilaea ru na aresto nga si Reynaldo Macabales, 54 anyos, residente it nasambit nga lugar.
Naga pangatubang it kaso sa pag-eapas sa Republic Act 7610 o Special Protection of Children Against Child Abuse, Exploitation and Discrimination Act.
Permado ru warrant of arrest ni Hon. Bienvinido P. Barios, Presiding Judge, Regional Trial Court , Branch 3 Kalibo, Aklan 6th Judicial Region nga may petsang September 20, 2021.
Naga balor it P80,000 nga pyansa ru gin taeana it korte para sa temporaryong kahilwayan it nasambit nga persona.
Presenting sa kustodiya sa Kalibo Municipal Police Station ru subject person.//MARIVIC Y. ILIN
