Gilusad kabag-ohay lang sa Land Transportation Franchising Regulatory Board (LTFRB)-11 ang libreng sakay alang sa mga medical health workers ilabi na ang pagtabang sa mga pasyente Covid-19.
Subay sa impormasyon gikan sa maong buhatan, lakip sa mga bag-ong rota ang gilangkuban sa Digos paingon sa dakbayan sa Davao; Mahayag to SPMC, Toril paingon sa Southern Philippines Medical Center (SPMC) ug Calinan paingon usab sa SPMC.
Gawas sa libreng sakay, kahigayunan usab matud pa kini sa mga driver ug operator nga makapadayon sa ilang panginabuhian ilabi na nga kadaghanan sa mga nahisgutan ang nawad-an ug trabaho sukad ang outbreak sa maong sakit.
Kahinumduman nga gisugdan ang pagpatuman ug libreng sakay alang sa mga medical health workers sukad nga nagsugod ang pandemiya ug nadugangan pa ang mag rota nga giserbisyuhan niini sa tabang usab sa nagkadaiyang bus companies.
