MALAMPUSONG gilusad sa City hall ang pag-abli sa Strategic Performance Management and Compliance Office nga pagadumalahan ni Glennville Gonzales.
Gihimo ang pag-abli sa opisina, Lunes sa buntag Agusto 8 sa kasamtangan nga tuig, nga tinambungan sa mga labaw sa managlahing departamento, mga konsehal, Vice Mayor,Mayor sa syudad, PNP ug DILG City Director.
Ang opisina nahimutang sa kanhi opisina sa labaw sa City Disaster Office sa ikaduhang andana sa Government Employees Association Building nga may walo ka mga empleyado.
Sumala kay Dapartment Head II Glennville Gonzales nga bag-ong hagit kaniya ang mao nga assignment, gikan siya sa Hospital ug karon naa na sa opisina nga magsiguro nga makab-ot sa Local Government Unit sa General Santos ang Seal of Good Local Governance (SGLG).
Sumala kay DILG City Director Rilimin Sandoval nga mahinungdanon kaayo ang SGLG Gumikan dili lang kini taman sa seal kondili salamin sa mga kalampusan ug performance sa lokal nga goberno ug dili kini makab-ot sa usa lang ka opisina kondili sa tanan.
Ang SGLG adunay 79 ka indicators nga dapat matubag ug adunay tulo ka Core areas sama sa financial management, disaster management ug social protection.
Samtang gipaklaro usab ni Mayor Lorelie Pacquiao nga iyang gibutang di Gonzales sa mao nga opisina gumikan aduna kini dako nga pagsalig sa opisyal giawhag usab niini ang mga department Heads nga magtinabangay. I Ver Diazon
