Nag klaro sa BRIGADA News FM Kalibo ru babaye nga gin reklamo it tricycle driver nga uwa sigun naka bayad it pag-arkela halin it Kalibo paadto sa banwa’t Madalag.
Suno kay Mrs. Elsa Nabor Bellantes, sa legal nga edad it Purok 4 C. Laserna St., Kalibo, bukon it bodol-dobol ru gin himo ag may kasugot sanda ku driver nga si Reinnel Placido nga pagka-aga lang mabayad sa pag-arkela nga balor it P700.
Raya hay dahil sa uwa’t gina buytan nga kwarta ag dahil sa nalipatan ru senior citizen’s ID, indi eagi maka withdraw it kwarta nga gin padaea ku anang gumankon halin sa Novaleches, Quezon City.
Nag pasugot man sigun ru tricycle driver apang pag-abot it gabie hay gin pa blotter sa Kalibo MPS nga gin kadismaya ni Bellantes.
Pahayg pa ni Mrs. Bellantes, kun uwa imaw mag pasugot nga arkelahon ru gina maneho nga tricycle hay nag-usoy lang imaw it ibang maarkila nga tricycle.
Samtang, aminado si Bellantes gulpihan ru pag panaw sa Madalag dahil sa emergency ru gin adtunan.
Haum nga makipag kita si Mrs. Bellantes sa tricycle driver para sa settlement.//MARIVIC Y. ILIN
