GI-TAP sa probinsiya ang munisipyo sa pagpatuman sa proyekto alang kanila gamit ang gi-download nga pondo gikan sa National Task Force to End Communist Armed Conflict (NTF-ELCAC).
Matud ni Gov. Steve Chiongbian Solon, ang mga barangay nga naa sa mga munisipyo ang recipients sa mga proyekto. Ang munisipyo usab ang miila sa mga kinahanglang proyekto sa barangay sama sa farm-to-market roads, classrooms. Lakip ang water and sanitation systems, health stations ug uban pang livelihood projects.
“Non-issue ni, first of all ang fundings gikan sa national ang original proponents’ ana is the munisipyo and the barangay, kay kining ELCAC funds maadto ni sa high- conflict risk areas sa sulod sa munisipyo, ang nagpili niini nga mga barangay ang municipality, “asoy ni Solon.
Dugang ni Solon, dunay bag-ong order ang Department of Budget and Management (DBM) ang mahimong magpatuman ang munisipyo ug barangay. Wala sumala pay problema nga ang munisipyo ang magpatuman tungod ‘intact’ ang pondo. Sa probinsiya naa sa 13 ka barangay ang recipient gikan sa munisipyo sa Maasim, Malapatan, Alabel ug Kiamba.
Mokabat sa P260 milyon ang gidownload sa probinsiya asa dunay tag P20 milyon nga pondo ang 13 ka barangay. Ang mga recipients mao ang New People’s Army (NPA)-cleared barangays. (Richel Gubalani)
