Patay ang isang babae habang sugatan ang nanay nito nang pagbabarilin ng hindi pa nakilalang suspek sa loob ng emergency room ng ospital sa Dasmariñas City, Cavite.
Base sa report, naka-confine sa ospital ang biktima nang pasukin ito ng suspek at ilang beses na pinagbabaril.
Agad na nasawi ang biktima dahil tinamo nitong mga tama sa ibat-ibang bahagi ng katawan.
Tinamaan din ng bala sa hita ang kanyang nanay habang sugatan rin ang isang babae sa ER matapos na tumalbog sa semento ang isa sa mga bala.
Read More: Marcos says Philippines won’t allow territory used as launching pad for attacks on Taiwan
Bukod sa dalawa, sugatan rin ang isa pang lalaki matapos barilin ng suspek nang magkasalubong ang dalawa.
Patuloy pa ang follow-up operation ng mga awtoridad sa pangyayari at inaalam ang motibo sa pamamaril at kung sino ang salarin.
