Isa nang full-fledged Secretary si Atty. Cheloy Velicaria-Garafil ng Presidential Communications Office o PCO.
Ito ay makaraang manumpa na siya sa harap ni Pangulong Bongbong Marcos sa Malacañang.
Oktubre nang italaga si Garafil bilang ‘officer-in-charge’ ng noo’y Office of the Press Secretary (OPS) matapos ang resignation ni Atty. Trixie Cruz-Angeles dahil sa umano’y health reasons.
Si Garafil ay nagsilbing Land Transportation Franchising and Regulatory Board (LTFRB) chairperson bago ma-appoint sa Palasyo.
Bago ito, isa siyang mamamahayag noon bago naging abugado.
Nagsilbi rin si Garafil na isang director ng isang committee sa Kamara, at isang state solicitor sa SolGen at prosecutor sa Department of Justice (DOJ).
#
