LEGAZPI CITY – Labi an pasasalamat kan pamayo kan Arimbay Elementary School sa Rotary Club of Legazpi Central makalihis an matrayumpong mosquito fish nursery launching.
Sa intrevista kan Brigada News FM Legazpi kay Principal I Leonila Ante, sinabi niya na dakulang tabang ini sa pagpalikay asin pagprotehir sa mga kaakian kontra sa dengue asin iba pang helang dara kan mga namok huli ta dae na ini madakol dahil ta an mga kiti-kiti iyo an pigkakaon kan sira na ibinugtak sa saindang eksistidong pond.
Dugang pa niya, timing man an aktibidad huli ta sainda talagang pigpapakarhay an nasambit na pond na pinaglagan kan sira kaya siya an naglalaom na madakol ini hasta sa pwedesir na mam na maipakalat sa komunidad asin sa kada kaharungan.
Mientrastanto, pigheras man ni Ante na preparado na an saindang eskwelahan para sa burukusan kan klase na nagpuon na ngunyan na aldaw, kun sain saiyang pigsigurado na magigin ligtas asin pigsiyerto an seguridad kan mga kaakian.
