APEKTADO sa gilugwayan nga General Community Quarantine status ang pipila ka KaBrigada nga nahinabi sa 89.5 Brigada News FM Gensan human nigawas ang Executive Order 33-2021.
Sumala kay Judeth Fuertes, usa ka inahan nga nagatrabaho sa kan-anan sa National Highway, Calumpang apektado siya kay inay nga usa ka semana ang iyang trabaho og tag p300 pesos ang adlaw tungod sa GCQ tag duha ka adlaw nalang ang iyang trabaho kay mag-puli puli lang sila sa iyang kaubanan.
Tungod niini anaa lang sa P1,200 Pesos ang iyang kita sa usa ka bulan itandi sa Normal nga sitwasyon nga anaa sa walo hantud siyam ka libo ang usa ka bulan nga sweldo.
Sumala usab sa usaka Driver nga si Rommel Polo taga Gensanville, Bula, murag naanad na sila sa GCQ kay dugay naman nga ginapatuman sa syudad apan nasabtan daw niini ang sitwasyon gumikan sa kadaghan sa kaso sa COVID-19. Nanghinaut hinuon si Polo nga mabakunahan usab silang tanan nga mga Driver kay adlaw adlaw sila nga nagapamasada luwas sa adlaw nga Dominggo nga adunay lockdown.
