PADAYUN ang gihimong imbestigasyon sa pagpusil patay sa usa ka CCTV installer niadtong Biyernes sa gabii sa area sa Barangay Calumpang, GenSan.
Ang biktima nailhan kang Dennis Mainit Guilla, 31-anyos, residente sa purok Oblipas, Barangay Calumpang, GenSan.
Sa imbestigasyon sa kapulisan, pasulod na sa ilang balay ang biktima dihang kini gipusil sa riding in tandem suspect.
Segun ni Police Major Ananias Vasquez, hepe sa police station 5 nga ginahimo na sa kapulisan ang makuting imbestigasyon sa maong insidente aron ilhon ang mga suspek. Nasayran nga ang biktima naigo sa iyang dughan ug kamot nga bahin nga hinungdan sa iyang kamatayon.
