Nadiskubre ng isang junkshop owner sa Orion, Bataan ang apat na high explosive projectile sa Barangay Daan Bilolo, Orion, Bataan.
Ito ay matapos makita ng may-ari ng junkshop ang kaduda-dudang bagay na naibenta sa kanya dalawang linggo na ang nakalilipas dahilan para itawag agad ito sa himpilan ng pulisya.
Ayon kay Provincial Explosive Canine Unit Chief Pcpt Esteban Baylon III, noong araw ng Sabado, Abril 16 positibong tinukoy ang mga vintage bomb na dalawang projectile 76 mm, isang high explosive 105 mm at isang projectile 155 mm.
Ang Provincial Explosive Canine Unit sa Bataan ang nagkustodiya nito para sa maayos at tamang proseso ng pag-dispose ng mga ito.//Jeff Valdez-BNFM OLONGAPO
Photo Courtesy: Bataan Pecu
