Boluntaryo nga nagsungka sa Tapaz Municipal Police Station ang anay ginaalegar supporter sang Communist Terrorist Group (CTG) sa banwa sang Tapaz.
Ang wala na ginhingadlan nga persona ang residente sang Brgy. Aglupacan, Tapaz, Capiz.
Kadungan sang iya pagsungka, gin-turn over man sini sa kapulisan ang isa ka rifle grenade kag isa cartridge sang 40mm explosive.
Ini ang resulta sang ginpasangkad nga kampanya sang mga kapulisan nga Tokhang Kontra Armas Luthang ukon TKAL.
Sa karon, nagapabilin ini sa kustodiya sang Tapaz PNP para sa nakaigo nga disposisyon. | Judy Ann Juare