Inutusan ng Korte Suprema ang Malacañang at Kongreso na magkomento sa inihaing petisyon na bumabatikos sa Maharlika Investment Fund (MIF) Act of 2023 at inilarawan ito bilang “unconstitutional.”
Binigyan ng sampung araw sina Executive Secretary Lucas Bersamin, Finance Secretary Benjamin Diokno, ang Senado at House of Represenatives para maghain ng komento sa petisyon laban sa sovereign wealth fund.
Inaasahan ring magkomento ang mga respondent sa kahilingan ng mga petitioner matapos humiling na mag-issue ng temporary restraining order sa MIF.
Maaalalang hinamon nina Bayan Muna Chairman Neri Colmenares, dating Bayan Muna Representatives Isagani Zarate at Ferdinand Gaite, at Senate Minority Leader Aquilino “Koko” Pimentel III ang constitutionality ng MIF sa tatlong batayan.