Napasakaan na sang kaso nga paglapas sa RA 9165 ukon Comprehensive Dangerous Drugs Act of 2002 ang tatlo ka mga Street Level Individual (SLI) nga nadakpan sa drug buy-bust operation sa Tanza Sur, Panay, Capiz.
Matandaan nga ginkilala ang mga nagkaladakpan nga sanday Hermie Buenvinida alias “Bani”, 39-anyos residente sang Brgy. San Jose, Roxas City; Norberto Balbona, 49-anyos, residente sang Brgy. 1, Roxas City; Famy Lipura, 25-anyos, residente sang Tambak New Washington, Roxas City.
Narekober sa ila paghinakop ang walo tanan ka sachets sang ginasuspetsahan shabu lakip na ang nabakal sang police poseur buyer, P100 nga buy-bust money, P5,400 nga boodle money, 2 pouch (blue and black) kag 2 sling bag color brown.
Ginabanta nagabug-at sang 10 gramos ang mga nakumpiskar nga iligal nga droga kag may standard drug price nga P68,000.
Sa karon, nagapabilin sa kustodiya sang Panay PNP ang mga suspetsado para sa nagakaigo nga disposisyon. | Judy Ann Juare