CAMARINES NORTE- Nananatili sa “single digit” ang aktibong kaso ng COVID- 19 sa bayan ng Mercedes Camarines Norte as of July 6, 2021.
Ayon sa Municipal Health Office (MHO) mayroon nang 49 na kabuuang kaso ng sakit sa naturang bayan at sa bilang na ito ay 7 ang aktibong kaso.
Sa 26 na barangay, nangunguna ang San Roque sa may pinakamaraming kaso na may 16.
Nakapagtala naman ng siyam na kaso ang Barangay 3, may tig apat sa Barangay 2 at 6 habang tatlo naman sa Manguisoc.
May tig- dalawang kaso ang Del Rosario, Barangay 1, Gaboc, Hinipaan at Tarum habang tig- iisa naman sa Barangay 7, Quinapagian, at Colasi.
Labing tatlong barangay naman ang nananatiling COVID- 19 free.
Pito ang naitalang nasawi habang 35 ang gumaling.
Kaugnay nito ay patuloy ang paalala ng Lokal na Pamahalaan na sundin ang health protocols para makaiwas sa COVID- 19.
