NAGLATAG og aktibidad ang General Santos City Police Office (GSCPO) alang sa ika-pito katuig nga anibersaryo sa Mamasapano Maguindanao incident asa napatay ang 44 ka elite PNP troopers karong adlawa.
Matud ni PLt. Col Aldrin Gonzales, tigpamaba sa GSCPO dunay giandam nga aktibidad aron hinumdomon ang madugoong insidente nga gimatay sa mga miyembro sa PNP Special Action Forces commandos. Gilaoman usab ang pagtambong sa aktibidad sulod sa Camp Fermin Lira karong adlawa ang pamilya sa usa sa napatay nga elite force.
Enero 25, 2015 gibitbit sa kapulisan ang Oplan Exodus, misyon ang pag-neutralize sa iladong terorista nga nakabase sa Mamasapano, Maguindanao nga mao ang bomb-makers nga silang Zulkifli Binhir alyas Marwan, Basit Usman ug Amin Baco.
Napatay sa kapulisan si Marwan samtang niadtong tungura nakaikyas silang Usman ug Baco. Pahawa na unta sa lugar, dihang dunay armadong grupo nga gilangkuban sa miyembro sumala pa sa Bangsamoro Islamic Freedom Fighters ug Moro Islamic Liberation Front, ug uban pang private armed groups ug mihimo og lakang batok sa police commandos.
Usa sa 44 ka napatay sa insidente mao si si Sr. Insp. Ryan Pabalinas nga residente sa GenSan. I Richel Gubalani
